ஆசிரியர் போராட்டம்: முதல்வருக்கு அடுத்த தலைவலி

டாக்டர்கள் போராட்டத்தை அடுத்து மேற்கு வங்கத்தில் ஆசிரியர்கள் போராட்டம் வெடித்துள்ளது.


இது அம்மாநில முதல்வர் மம்தா பானர்ஜிக்கு அடுத்த தலைவலியாக மாறியுள்ளது. டாக்டர்கள் போராட்டம் : மேற்குவங்கத்தில், கடந்த ஒரு வாரத்திற்கும் மேலாக டாக்டர்கள் பாதுகாப்பு கோரி போராட்டம் நடத்தி வருகின்றனர்.

 அவர்களுக்கு ஆதரவாக இன்று (ஜூன் 17)ல், நாடு முழுவதும் டாக்டர்கள் ஸ்டிரைக்கில் ஈடுபட்டு வருகின்றனர்.

தீவிரம் :

 கோல்கட்டா மருத்துவமனை ஒன்றுக்கு போராடும் மருத்துவர்களை சந்திக்க சென்ற மம்தா, அவர்களது கோரிக்கைகளை கேட்காமல், பேச்சுவார்த்தைக்கு அழைக்காமல், 4 மணி நேர கெடு விதித்து எச்சரித்திருந்தார். இது போராட்டத்தை மேலும் தீவிரப்படுத்தியது.

ஆசிரியர்களும் போராட்டம் :

 இந்த நிலையில், சம்பள உயர்வு உள்ளிட்ட பல்வேறு கோரிக்கைகளை வலியுறுத்தி மேற்கு வங்கத்தில் ஆசிரியர்களும் போராட்டத்தில் குதித்துள்ளனர்.

 கோல்கட்டாவின் விகாஸ் பவன் முன்பாக ஊர்வலம் நடத்திய ஆசிரியர்களுக்கும், போலீசாருக்கம் இடையில் மோதல் வெடித்தது.

மம்தா அதிர்ச்சி :

தொடர்ந்து ஆசிரியர்கள் மாநிலத்தின் பல்வேறு நகரங்களிலும் போராட்டங்கள் நடத்த ஆயத்தமாகி வருவது குறிப்பிடத்தக்கது. இது மம்தாவின் நிர்வாகத்திற்கு மேலும் தலைவலியாக மாறியுள்ளது.