விண்ணப்பங்களை பரிசீலித்து மாணவர்களை தரவரிசைப்படுத்தும் பணிகள் இன்னும் நிறைவடையாததே அதற்கு காரணம் எனவும் கூறப்படுகிறது. தமிழகத்தில் அரசு மற்றும் தனியார் கல்லூரிகளின் எம்பிபிஎஸ், பிடிஎஸ் படிப்புகளுக்கு ஆன்லைனில் விண்ணப்பிக்கும் நடைமுறை கடந்த 7-ஆம் தேதி தொடங்கி 20-ஆம் தேதி நிறைவடைந்தது.
அதில் அரசு ஒதுக்கீட்டு இடங்களுக்கு 34,368 விண்ணப்பங்கள், நிர்வாக ஒதுக்கீட்டு இடங்களுக்கு 25,388 விண்ணப்பங்கள் என மொத்தம் 59,756 விண்ணப்பங்கள் சமர்ப்பிக்கப்பட்டன.
விண்ணப்பங்கள் பரிசீலனை செய்யப்பட்டு தகுதியான மாணவர்களுக்கான தரவரிசைப் பட்டியல் ஜூலை 2-ஆம் தேதி வெளியிடப்படுவதாக இருந்தது
ஆனால், அதற்கான பணிகள் இதுவரை நிறைவடையாததால் திட்டமிட்டபடி தரவரிசைப் பட்டியலை வெளியிட முடியுமா என்ற சந்தேகம் எழுந்துள்ளது.
எம்பிபிஎஸ், பிடிஎஸ் படிப்புகளுக்கான முதல் கட்ட மாணவர் சேர்க்கை கலந்தாய்வு ஜூலை 4-ஆம் தேதி தொடங்கி 12-ஆம் தேதி வரை நடைபெறும் என்று அறிவிப்பு வெளியாகியுள்ள நிலையில் தரவரிசைப் பட்டியல் தாமதமாவது கலந்தாய்வையும் பாதிக்கக்கூடும் எனக் கூறப்படுகிறது
No comments:
Post a Comment