மதுரை அருகே கள்ளந்திரி கிராமத்தில் டீக்கடை வைத்திருப்பவர் ஜாபர் உசேன். இவரது மகள் தான்யா தஷ்னம் (15). மதுரை மகாத்மா மாண்டிசோரி மெட்ரிக் பள்ளி 10ம் வகுப்பு மாணவி. இதே பள்ளியில் இவரது தாயார் சிக்கந்தர் ஜாபர் ஆசிரியையாக உள்ளார்.
தான்யா தஷ்னம், அறிவியல் ஆர்வம் காரணமாக இணையதளத்தில் நடத்தப்படும் சர்வதேச விண்வெளி அறிவியல் போட்டியில் பங்கெடுத்தார்.
இதில் தான்யா தஷ்னம், சாய்புஜிதா (ஆந்திரா), அலிபக் (மகாராஷ்டிரா) தேர்வாகினர். இதனால், மூவரும் விண்வெளி ஆய்வு மையமான நாசா செல்கின்றனர். அடுத்த மாதம் முதல் வாரத்தில் அமெரிக்கா சென்று விண்வெளி ஆராய்ச்சி மையமான நாசாவில் இவர்கள் ஒருவாரம் தங்குகின்றனர்.
அங்குள்ள ஆய்வகத்தை சுற்றிப்பார்ப்பதுடன், அங்குள்ள விஞ்ஞானிகளுடனும் கலந்துரையாடுகின்றனர். நாசா செல்லும் வாய்ப்பை பெறும் ஒரே தமிழக மாணவி இவர் என்பது குறிப்பிடத் தக்கது.
இதுகுறித்து மாணவி தான்யா தஷ்னம் கூறும்போது, ‘‘அறிவியல் மீதான ஆர்வத்தில், ஐந்தாம் வகுப்பு படிக்கும்போதே விஞ்ஞானியாகும் ஆசை ஏற்பட்டது. இதற்கு நாசா பயணம் ஒரு படிக்கட்டாக அமையும்’’ என்றார்.
No comments:
Post a Comment