சிறந்த சமூக சேவகர் விருது பெற்ற தமிழ் நடிகர்

பட்டதாரி என்கிற படத்தில் மூலம் தமிழில் கதாநாயகனாக அறிமுகமானவர் அபி சரவணன். இவர் நடிகராக மட்டுமல்லாமல் ஒரு சமூக ஆர்வலராகவும் இருக்கும் இவர், இயற்கை சீற்றம், தேசிய பேரிடர் சமயங்களில் மொழி மாநிலம் பாராமல் மக்களுக்கு உதவிகள் செய்து வருகிறார்.

இந்நிலையில் தற்போது அசாமில் பெரும் மழை வெள்ளத்தால் பாதிக்கப்பட்டுள்ள மக்களுக்கு உதவி செய்வதற்காக கடந்த ஒருவாரமாக அங்கேயே முகாமிட்டு தனது நண்பர்கள் பாதிக்கப்பட்ட இடங்களுக்கு நேரடியாகச் சென்று அரிசி மற்றும் உணவுப் பொருட்கள், துணிகள், மருந்து பொருட்கள், மற்றும் குடிநீர் ஆகியவற்றை அபி சரவணன் தனது சொந்த செலவில் வழங்கினார்.

இந்நிகழ்விற்காக தற்போது மலேசியாவில் நடைபெற்ற விருது வழங்கும் விழாவில் அபி சரவணனுக்கு சிறந்த சமூக சேவை நடிகர் விருது வழங்கப்பட்டுள்ளது.