TNPSC தேர்வுக்கு இலவச பயிற்சி

டி.என்.பி.எஸ்.சி., 'குரூப் - 1, குரூப் - 2' தேர்வுகளுக்கு, மனிதநேய இலவச ஐ.ஏ.எஸ்., கல்வியகத்தில் சேர்ந்து பயிற்சி பெற, இன்று முதல் விண்ணப்பிக்கலாம்.


சென்னை மாநகராட்சி, முன்னாள் மேயர், சைதை துரைசாமியின், மனிதநேய அறக்கட்டளை சார்பில், 'மனிதநேயம் ஐ.ஏ.எஸ்., இலவச கல்வியகம்' நடத்தப்படுகிறது.


இதன் சார்பில், 2020ம் ஆண்டிற்கான, டி.என்.பி.எஸ்.சி., குரூப் - 1, குரூப் - 2 தேர்வுகளுக்கு, இலவச பயிற்சி அளிக்கப்பட உள்ளது.பயிற்சியில் மாணவ, மாணவியருக்கு கட்டணம் ஏதும் இல்லை. வகுப்புகள் மற்றும் மாதிரி தேர்வுகள் நடத்தி, தேர்வுக்கு தயார்படுத்தப்படும்.


மாணவ, மாணவியர், பயிற்சியில் சேர,www.mntfreeias.comஎன்ற இணையதளத்தில், 'TNPSC Gr.1 & Gr.II Exam 2020' என்ற இணைப்பில், இன்று முதல் பதிவு செய்யலாம்.