சென்னை மெட்ரோ ரயில் சேவையை தினந்தோறும் ஒரு லட்சம் பயணிகள் பயன்படுத்தி வருவதாக புள்ளி விவரங்கள் தெரிவிக்கின்றன.
இந்த நிலையில், பயணிகளின் வசதிக்காக மெட்ரோ ரயில் நிறுவனம் புதிய ஸ்மார்ட் வாட்சை அறிமுகம் செய்ய உள்ளது. புதிய சிப் பொருத்திய இந்த கைக்கடிகாரத்தை டைட்டன் வாட்ச் தயாரிப்பு நிறுவனம் தயாரித்து விற்பனைக்கு அறிமுகம் செய்ய உள்ளது.
இந்த கைக்கடிகாரத்தை பயணிகள் ரூ.1000 செலுத்தி பெற்றுக் கொள்ளலாம்இந்த கைக்கடிகாரத்தை மெட்ரோ ரயில் நிலையத்தின் நுழைவு வாயிலில் உள்ள மிஷினில் காண்பித்தால் தானாக கதவுகள் திறக்கும். எளிதில் உள்ளே செல்ல முடியும். ஒவ்வோரு முறையும் டிக்கெட் எடுக்கக் காத்திருக்கத் தேவையில்லை.
முதற்கட்டமாக ரூ.1000 முதல் ரூ.1500 வரை பல்வேறு மாடல்களில் இந்த கடிகாரங்கள் கிடைக்கும் என்றும், ஒவ்வொரு மாதமும், இதனை சீசன் பாஸ் எடுப்பது போல ரீசார்ஜ் செய்து கொள்ள வேண்டும் என்று தெரிய வந்துள்ளது.
இனி ஸ்மார்ட் வாட்ச் கட்டினால், ஸ்மார்ட்டாக மட்டுமல்ல, மெட்ரோ ரயில்நிலையங்களில் ஜம்மென்று பயணிக்கவும் முடியும் என்கிறார்கள் பொதுமக்கள்.
No comments:
Post a Comment