இது தொடா்பாக அரசுத் தேர்வுகள் இயக்குநா் சி.உஷாராணி வெள்ளிக்கிழமை வெளியிட்ட அறிவிப்பு: மாநில பாடத் திட்டத்தில் பிளஸ் 1, பிளஸ் 2 வகுப்பு பொதுத்தேர்வுகளை பழைய பாடத்திட்டத்தில் ஏற்கெனவே எழுதி தேர்ச்சி பெறாத மாணவா்கள், வரும் மாா்ச் மற்றும் ஜூன் பருவங்களில் நடைபெறும் பொதுத் தேர்வுகளை பழைய பாடத்திட்டத்திலேயே எழுதலாம்.
கடந்த ஆண்டு நேரடித் தனித்தேர்வா்களாக பிளஸ் 1 வகுப்பு தேர்வெழுதி தேர்ச்சி பெறாதவா்கள், தற்போது பிளஸ் 2 வகுப்பு பொதுத் தேர்வெழுதுவதற்கும், பிளஸ் 1 வகுப்புத் தேர்வில் தேர்ச்சி பெறாத பாடங்களை மீண்டும் எழுதுவதற்கும் சோத்து விண்ணப்பிக்கலாம்.
மேலும், தனித்தேர்வா்கள் மீண்டும் தேர்வெழுத, சேவை மையங்களுக்குச் சென்று விண்ணப்பிக்கத் தேவையில்லை. அவா்கள் தற்போது பயிலும் பள்ளிகள் மூலமே தேர்வெழுதுவதற்கு உரிய கட்டணத்தைச் செலுத்தலாம்.
மாணவா்கள் பிளஸ் 1 வகுப்பு பொதுத் தேர்வை ஏற்கெனவே நேரடித் தனித் தேர்வராக எழுதி தேர்ச்சிப் பெற்ற தேர்வா்களும் மாா்ச் மாதம் நடைபெறவுள்ள பிளஸ் 2 பொதுத்தேர்வெழுத விண்ணப்பிக்கலாம். தேர்வு எழுத விரும்புவோா் டிசம்பா் 11 முதல் 20-ஆம் தேதி வரை இணையதளம் மூலம் விண்ணப்பிக்கலாம்.
இந்தத் தேர்வுகள் சாா்ந்த விரிவான தகவல்களை www.dge.tn.gov.in என்ற இணையதளத்தில் மாணவா்கள் அறிந்து கொள்ளலாம் என அதில் கூறியுள்ளாா்
No comments:
Post a Comment