வானிலை ஆய்வு மைய இயக்குனர் புவியரசன் அளித்த பேட்டி:தென் மேற்கு வங்கக் கடலில் நிலவும் வளிமண்டல சுழற்சி காரணமாக, கடலோர மாவட்டங்களில் லேசான மழைக்கும், உள் மாவட்டங்களில் மிதமான மழைக்கும் வாய்ப்புள்ளது.
சென்னையில் வானம் மேக மூட்டத்துடன் காணப்படும்; சில இடங்களில் லேசான மழைக்கு வாய்ப்புள்ளது. தஞ்சை, திருவாரூர், நாகை, கடலுார், புதுக்கோட்டை மாவட்டங்களில், சில இடங்களில் இன்று கன மழைக்கு வாய்ப்புள்ளது.
வட கிழக்கு பருவ மழை, இந்த மாதம் வரை பெய்யும். வட கிழக்கு பருவ மழை காலமான, அக்., முதல், டிச., வரை, தமிழகத்தில் சராசரியாக, 44 செ.மீ., மழை பெய்யும். நேற்று வரை, 43 செ.மீ., பெய்துள்ளது.சென்னையில், இதுவரை சராசரியாக, 68 செ.மீ., மழை பெய்திருக்க வேண்டும். ஆனால், 15 சதவீதம் குறைவாக, 58 செ.மீ., மட்டுமே பெய்துள்ளது. இவ்வாறு, அவர் கூறினார்.
No comments:
Post a Comment