5 ம் வகுப்பு மற்றும் 8ம் வகுப்பு மாணவர்கள் மீண்டும் சாதி சான்றிதழை வழங்க வேண்டியதில்லை: அமைச்சர் செங்கோட்டையன்

ஈரோடு மாவட்டம் கோபி அருகே குள்ளம்பாளையத்தில் புதிதாக அமைக்கப்பட்ட விளையாட்டு மைதானத்தை அமைச்சர் செங்கோட்டையன் நேற்று திறந்து வைத்தார்.


பின்னர், அவர் நிருபர்களிடம் கூறியதாவது: 5 மற்றும் 8ம் வகுப்பு பொதுத்தேர்வு எழுதும் மாணவர்கள் சாதி சான்றிதழ் சமர்ப்பிக்க வேண்டும் என எந்த உத்தரவும் பிறப்பிக்கப்படவில்லை


. கல்வி உதவித்தொகை வழங்குவதற்காக முதல் வகுப்பிலேயே அனைத்து மாணவர்களிடமும் சாதி சான்றிதழ் பெற்று விடுவதால், 5 மற்றும் 8ம் வகுப்பு பொதுத்தேர்வு எழுதும் மாணவர்கள் மீண்டும் சாதி சான்றிதழ் வழங்க வேண்டியதில்லை.


 இதுதொடர்பாக கல்வித்துறை சார்பில் எந்த உத்தரவும் பிறப்பிக்கப்படவில்லை.


மாணவர்கள் பயன்படுத்திய புத்தகங்களை திரும்பபெற்று அதனை பாதுகாப்பாக வைத்து மீண்டும் பயன்படுத்துவது குறித்து பசுமை தீர்ப்பாயம் கூறி உள்ளது.


 இது நல்ல கருத்துதான். அதை செயல்படுத்தும் வழிமுறைகளை முதலமைச்சருடன் ஆலோசித்து வருகிறோம்.