பள்ளிகளில் படிக்கும் மாணவர்களின் உடல் நலத்தை பேணுதல் தொடர்பாக ஒருநாள் கருத்தரங்கு சென்னை அண்ணா நூற்றாண்டு நூலகத்தில் நேற்று காலை தொடங்கியது. இந்த நிகழ்வில், உடல் நலம் தொடர்பான குறுந்தகடுகளை பள்ளிக் கல்வித்துறை அமைச்சர் செங்கோட்டையன் வெளியிட்டு பேசியதாவது:
தனியார் பள்ளிகளில் மாணவர் சேர்க்கைக்கு நன்கொடை வசூலித்தால் கடும் நடவடிக்கை எடுக்கப்படும்.
அதேபோல தனியார் பள்ளிகளில் ஒவ்வொரு ஆண்டும் மாணவர் சேர்க்கை என்பது ஏப்ரல் மாதத்தில்தான் நடத்த வேண்டும்.
அதற்கு முன்னதாக விளம்பரத் த ட்டிகள் வைத்து மாணவர்கள் சேர்க்கை நடத்தினால், கடும் நடவடிக்கை எடுக்கப்படும். தனியார் டியூஷன் மையங்கள் தொடர்ந்து கண்காணிக்கப்பட்டு வருகிறது.
முறையான அங்கீகாரம் பெற்றவர்கள் மட்டுமே டியூஷன் சென்டர்கள் நடத்த வேண்டும். மத்திய அரசு வெளியிட்டுள்ள மாணவர்கள் இடைநிற்றல் குறித்த புள்ளி விவரங்களை, தமிழக பள்ளிக் கல்வித்துறை அதிகாரிகள் ஆய்வு செய்து வருகின்றனர்
. புதிய பாடத்திட்டத்தில் தயாரிக்கப்பட்டுள்ள பாடங்களை மாணவர்கள் எளிமையாக புரிந்து கொள்ளும் வகையில் பள்ளிக்கல்வித்துறை சார்பில் பயிற்சி கையேடுதயாரிக்கும் பணிகள் தீவிரமாக நடக்கிறது.
அமைச்சர் செங்கோட்டையன் டுவிட்:
கூடுதல்கட்டணம் வசூலிக்கும் பள்ளிகள் குறித்து இதற்கென நியமிக்கப்பட்ட ஓய்வுபெற்ற உயர்நீதிமன்ற நீதிபதி திரு.மாசிலாமணி அவர்கள் கவனத்திற்கு கொண்டு சென்றால் உரிய நடவடிக்கை எடுக்கப்படும் என்றும் தவறுகள் குறித்து வாய்மொழியாக அல்லாமல் எழுத்துப்பூர்வமாக வழங்கினால் தகுந்த நடவடிக்கை எடுக்கப்படும் என்றும் தனது டுவிட்டர் பக்கத்தில் பதிவிட்டுள்ளார்.
No comments:
Post a Comment