இது ஹோட்டல் என்றால் உங்களால் நம்ப முடிகிறதா?

புதிய ஆடம்பரமான மிதக்கும் ஹோட்டல் ஒன்று ஸ்வீடன் நாட்டில் திறக்கப்பட்டுள்ளது.


ஐரோப்பிய கண்டத்தின் ஸ்கேண்டிநேவியனில் 'ஆர்க்டிக் பாத்' எனும் புதிய ஆடம்பரமான மிதக்கும் ஹோட்டல் திறக்கப்பட்டுள்ளது. இது இயற்கையுடனும், மனிதனால் உருவாக்கப்பட்ட படைப்பாற்றலுக்கும் இடையிலான உரையாடலாக செயல்படுகிறது.

கோடை காலத்தில், குளிர் சூழ்ந்த வெயிலிலும், குளிர்காலத்தில் பனிக்கட்டி சூழ்ந்தும் காணப்படும். இந்த மிதக்கும் மாளிகை லூலே நதியில் ஒரு வட்ட அமைப்பைக் கொண்டுள்ளது. மரத்தினால் ஆன நடைபாதை வழியே இதனை சென்றடைய முடியும்.

'ஆர்க்டிக் பாத்' எனும் மிதக்கும் ஹோட்டலின் நடுவே மிகப்பெரிய ஐஸ் பாத் செய்யுமிடம் உள்ளது.

இது ஒரு அழகான ஸ்பா அனுபவத்தைத் தருகிறது. கட்டிடத்தின் எஞ்சிய பகுதிகள் பல வித்தியாசமான அனுபவங்களையும் தரும்.கட்டடக் கலைஞர்களான பெர்டில் ஹார்ஸ்ட்ரோம் மற்றும் ஜோஹன் கவுப்பி ஆகியோரால் வடிவமைக்கப்பட்ட இந்த ஹோட்டலில் 12 அறைகள் உள்ளன. அனைத்துமே நீர் சூழ்ந்த நிலையில் அமைக்கப்பட்டுள்ளது.

இந்த ஹோட்டலில் யோகா, தியானம் ஆகியவற்றுக்கான தனி இடமும், மேலும் குதிரை சவாரி மற்றும் வனவிலங்கு காட்சிகள் உள்ளிட்டவைகளுக்கான இடங்களும் உள்ளன.

'ஆர்க்டிக் பாத்'தின் வடிவமைப்புகள் 2018ஆம் ஆண்டின் தொடக்கத்தில் திரையிடப்பட்டன.

தலைமை நிர்வாக அதிகாரி பீட்டர் எங்ஸ்ட்ரோம் கூறுகையில், ஒரு வடிவமைப்பை உண்மையாக கட்டமைப்பது என்பது அவ்வளவு எளிதான காரியம் அல்ல. தொழில்நுட்ப சவால்களைப் பற்றி அணிக்கு முன்கூட்டியே தெரிந்திருந்தால், ஒருவேளை நாங்கள் இதனை கைவிட்டிருக்கலாம்' என்று கூறுகிறார்.

லூலியா விமான நிலையத்திலிருந்து சுமார் ஒரு மணி நேரம் 15 நிமிடங்கள் பயணிக்க வேண்டியிருக்கும். இறுதியாக, ஹோட்டல் வடிமைப்பு உள்ளூர் கலாசாரத்தை பிரதிபலிக்கும் வகையிலும் அமைந்துள்ளது.