விமானப் படைக்கு ஆள்தேர்வு முகாம்: அனைத்து மாவட்டங்களைச் சேர்ந்த இளைஞர்களுக்கு மிகப்பெரிய வாய்ப்பு

இந்திய விமானப் படை சாா்பில் மதுரையில் ஏப்ரல் 11 முதல் 15 ஆம் தேதி வரை ஆள்தேர்வு முகாம் நடைபெற உள்ளது என்று மதுரை மாவட்ட ஆட்சியா் டி.ஜி.வினய் கூறினாா்.

இது தொடா்பாக செய்தியாளா்களிடம் சனிக்கிழமை அவா் கூறியது:

இந்திய விமானப்படையில் அனைத்து மாநிலங்களின் பங்களிப்பு இருக்க வேண்டும் என்பதற்காக, ஒவ்வொரு மாநிலத்துக்கும் ஆள்தேர்வு எண்ணிக்கை ஒதுக்கீடு செய்யப்பட்டுள்ளது.


அதன்படி, தமிழகத்தில் இருந்து 7,500 பேர் விமானப்படையில் இருக்க வேண்டும். ஆனால், இப்போது 1,500-க்கும் குறைவாகவே இருக்கிறது.



இந்த இடைவெளியைக் குறைக்க வேண்டும் என்பதற்காக விமானப் படை சாா்பில் பல்வேறு விழிப்புணா்வு நிகழ்வுகள் நடத்தப்பட்டு வருகின்றன.

இதன் ஒரு பகுதியாக மதுரையில் ஏப்ரல் 11 முதல் 15 ஆம் தேதி வரை விமானப்படைக்கு ஆள்தேர்வு முகாம் நடைபெறுகிறது. மதுரையில் இத்தகைய முகாம் நடைபெறுவது தென்மாவட்ட இளைஞா்களுக்கு மிகப்பெரிய வாய்ப்பாகும்.


பிளஸ் 2-வில் 50 சதவீத மதிப்பெண்களுடன் தேர்ச்சி பெற்ற 17 வயது முதல் 21 வயதுக்கு உட்பட்ட ஆண்கள் ஆள்தேர்வு முகாமில் பங்கேற்கலாம்.


உடல் தகுதித் தேர்வு, எழுத்துத் தேர்வு ஆகியவற்றை உள்ளடக்கியதாக ஆள்தேர்வு நடைபெறும்.

விமானப் படை ஆள்தேர்வு குறித்து இளைஞா்களுக்கு விழிப்புணா்வு ஏற்படுத்தும் வகையில் மதுரை மாவட்ட நிா்வாகம் சாா்பில் பயிற்சி வகுப்பு நடத்தத் திட்டமிட்டுள்ளோம்.

 எழுத்துத் தேர்வு மற்றும் உடல் தகுதித் தோவுக்கு தயாராவது குறித்து விமானப் படை அதிகாரிகளால் கல்லூரி ஆசிரியா்களுக்குப் பயிற்சி அளிக்கப்பட்டு அவா்கள் மூலமாக விருப்பம் உள்ள கல்லூரி மாணவா்களுக்கு பயிற்சி வகுப்பு நடத்தப்படும்.


மதுரை ரேஸ்கோா்ஸ் எம்ஜிஆா் விளையாட்டரங்கில் ஆள்தேர்வு முகாம் நடைபெறும். தமிழகம் முழுவதும் இருந்து ஆள்தேர்வுக்கு முகாமிற்கு இளைஞா்கள் வரவுள்ளதால், மாவட்ட நிா்வாகம் சாா்பில் அனைத்துத் துறைகளையும் ஒருங்கிணைத்து முகாம் ஏற்பாடுகள் செய்யப்பட்டு வருகின்றன என்றாா்.


விமானப்படை ஆள்தேர்வு அதிகாரி விங் கமாண்டா் சைலேஷ்குமாா்:

மதுரையில் நடைபெறும் ஆள்தேர்வு முகாமில் அனைத்து மாவட்டங்களையும் சேர்ந்த இளைஞா்கள் பங்கேற்கலாம்.

ஏப்ரல் 11 ஆம் தேதி நடைபெறும் ஆள்தேர்வில் சென்னை, கோவை, செங்கல்பட்டு, திண்டுக்கல், காஞ்சிபுரம், கள்ளக்குறிச்சி, கரூா், கன்னியாகுமரி, ராணிப்பேட்டை, சிவகங்கை, தஞ்சாவூா், தேனி, திருவள்ளூா், திருவாரூா், திருவண்ணாமலை, திருப்பத்தூா், தூத்துக்குடி, வேலூா், விழுப்புரம் ஆகிய மாவட்டங்களைச் சேர்ந்தவா்கள் பங்கேற்கலாம்.

 உடல் தகுதி மற்றும் எழுத்துத் தேர்வில் தேர்ச்சி பெற்றவா்களுக்கு ஏப்ரல் 12-இல் 2-ம் கட்ட தேர்வு நடைபெறும்.

ஏப்ரல் 14-ஆம் தேதி நடைபெறும் உடல் தகுதி மற்றும் எழுத்துத் தேர்வில் அரியலூா், கடலூா், தருமபுரி, ஈரோடு, காரைக்கால், மதுரை, நாகபட்டினம், நாமக்கல், பெரம்பலூா், புதுக்கோட்டை, ராமநாதபுரம், சேலம், நீலகிரி, தென்காசி, திருநெல்வேலி, திருப்பூா், திருச்சி, விருதுநகா் மாவட்டங்கள் மற்றும் புதுச்சேரியைச் சோந்த இளைஞா்கள் பங்கேற்கலாம்.

 இதில் தேர்ச்சி பெறுபவா்களுக்கு இரண்டாம் கட்ட தேர்வு ஏப்ரல் 15-இல் நடைபெறும் என்றாா்.

2 வாரங்கள் பயிற்சி செய்தால் தேர்வில் வெற்றி பெறலாம்

விமானப்படை ஆள்தேர்வு முகாமில் நடத்தப்படும் எழுத்துத் தேர்வு மற்றும் உடல் தகுதித் தேர்வுக்கு 2 வாரங்கள் பயிற்சி எடுத்துக் கொண்டாலே வெற்றி பெற்றுவிடலாம் என்று ஏா்மென் பிரிவு விமானப் படை அதிகாரி கேப்டன் எஸ்.ஸ்ரீராம் கூறினாா்.

இதுகுறித்து மேலும் அவா் கூறியது:


விமானப்படை ஆள்தேர்வு முகாம் குறித்த விழிப்புணா்வு இல்லாததால், தேர்ச்சி பெறும் தமிழக இளைஞா்களின் எண்ணிக்கை மிகக் குறைவாகவே இருக்கிறது.


ஆண்டுக்கு 50 முதல் 60 பேர் மட்டுமே தமிழகத்தில் இருந்து விமானப்படைக்குத் தேர்வாகின்றனா். போதிய பயிற்சி இருந்தால், எளிதில் வெற்றி பெற முடியும்.


குறிப்பாக, இப்போது இளைஞா்களிடம் விளையாட்டு மற்றும் உடற்பயிற்சி பழக்கம் குறைந்து வருகிறது. இதனால், சாதாரண உடல் தகுதித் தேர்வில்கூட வெற்றி பெற முடியவில்லை.

ஆள்தேர்வு முகாம் துவங்குவதற்கு முன்பு 2 முதல் 3 வாரங்கள் தொடா்ந்து உடல் தகுதித் தேர்வுக்கும், எழுத்துத் தேர்வுக்கும் பயிற்சி செய்தால் எளிதில் வெற்றி பெறலாம் என்றாா்.