தோ்தலுக்குப் பிறகு பிளஸ் 2 செய்முறைத் தோ்வு நடத்த முடிவு

 தோ்தலுக்குப் பிறகு பிளஸ் 2 செய்முறைத் தோ்வு நடத்த முடிவு

தமிழகத்தில், பிளஸ் 2 மாணவா்களுக்குத் தோ்தல் நடந்து முடிந்த பின் செய்முறைத் தோ்வை நடத்த, பள்ளிக் கல்வித் துறை முடிவு செய்துள்ளது. அதுவரை பாடங்களை நடத்தி முடிக்கவும் அறிவுறுத்தப்பட்டுள்ளது.

தமிழக பள்ளிக் கல்வி பாடத்திட்டத்தில், பிளஸ் 2 மாணவா்களுக்கு மட்டும் நிகழாண்டு பொதுத் தோ்வு நடத்தப்படுகிறது. இந்தத் தோ்வு வரும் மே 3-ஆம் தேதி முதல் மே 21-ஆம் தேதி வரை நடக்கிறது. தோ்வு தேதிக்கு முன், ஏப். 6-ஆம் தேதி தமிழக சட்டப்பேரவைத் தோ்தல் முடிந்து விடும். இதனால், பிளஸ் 2 மாணவா்களுக்கு பொதுத் தோ்வு நடத்தவும், அவா்களுக்கான பாடங்களை உரிய காலத்தில் முடிக்கவும், போதிய கால அவகாசம் கிடைத்துள்ளது.

எனவே, இந்த அவகாசத்தை பயன்படுத்தி, பிளஸ் 2 செய்முறைத் தோ்வை, சட்டப்பேரவைத் தோ்தலுக்கு பின்னா் ஏப்ரலில் நடத்திக் கொள்ள பள்ளிக் கல்வித்துறை முடிவு செய்துள்ளது.

அதுவரை, மாணவா்களுக்கு பாடங்களைத் தொடா்ந்து நடத்தவும், திருப்புதல் தோ்வுகளை நடத்தி, மாணவா்களை பொதுத்தோ்வுக்கு தயாா்படுத்தவும், பள்ளி ஆசிரியா்களுக்கு முதன்மைக் கல்வி அலுவலா்கள் அறிவுரை வழங்கியுள்ளனா்.